AYIBOSPORTEN UNE

10 rezon ki fè mwen panse Iguodala merite “MVP Final” lan

0

Men pou ki rezon mwen panse Iguodala merite MVP final NBA a ane sa:

1- Bon defans li sou Lebron: Malgre Lebron fè 35 pwen pa match, li rate 20 shout tou pa match. Si se pat Iggy li te ka fè 50 pwen chak match.

2- Diferans li fè lel sou teren an: Premye match la se ban Warriors la ki te faktè X la, se li ki te pi bon sou ban an epi se li ki ede ekip li a retounen nan match la (Curry sove match Katastrof li a ak 4 lansefran)

3- Curry Flop: Dezyèm match la Curry flop kareman avek yon 2/15 a 3 pwen. Twazyèm match la, aprè 3 katan lap voye flè, li sove tet li ak kek 3 pwen ki pat itil Warriors anyen.

4- katriyèm match la: sa kap fè Warriors egalize ak Cleveland 2–2 a se Iggy ki fè tout pwen enpòtan yo, pwen kle yo, menm si mwen rekonet Curry te bon tou, men jeneral la sete Iggy nan defans oswa nan atak Warriors la, lietnan an te Curry.

5- Curry te sanble MVP nan yon sel match: Nan senkyèm match la Curry fè 37 pwen, sel match li te andemon nan serie a, epi sanble ak vrè Curry a, sak te MVP sezon an, MVP tout playoffs yo, avan li jwenn ak Cleveland. Men gen yon pil pwen li fè nan match la pandan Cleveland te deja pèdi. Malgre sa Iggy fè kek basket enpòtan ki mete Cavs deyò nan match la.

6- Sizyèm match la: li klè nan match sa Iggy se meyè jwè a, tout pwen ki fini ak Cavs yo se preske li menm ki fè yo. Curry te bon tou paske lè 2 jwè vin sou li li pase boul la ak entelijans poul ka pemèt patnè li yo jwenn eapas. Green te bon tou li fini match la ak yon “Triple-Double

7- Sak vire seri a nan avantaj Warriors yo: Iggy chanje match yo chak lel monte, epi chanje serie a depi lel antre nan 5 jwè kap demare match yo pou ekip li a. Cleveland tap mennen 2 a 1, Steve Kerr deside metel nan ekip kap demare a, depi lè a Warriors pa janm pèdi ankò!

8- Lebron gen pi bon statistik nan seri a se vre, chif li yo istorik se vre, pa janm gen moun ki fè sa l te fè a nan yon final NBA deja se vre, men li pèdi final la.

9- Curry se chef ekip Warriors la, se sipèsta a, men li pa dominan nan seri a, li melanje move pèfòmans ak bon match, li fè yon sèl match kotel te paret Chef la tout bon vre.

10- Kom pi souvan prensip la se ekip ki chanpyon an ki pou gen MVP a soti ladann, yo pa ka bay Lebron li paskel pèdi final la, yo pa ka bay Curry li non plis paske li tap mòde lage nan tout final la. Kidonk yo bay Iguodala li, paske se li ki te kenbe liy li nan tout final la nan atak Warriors yo, fè bel defans nan tout match yo sou Lebron, epi se li ki vire bagay yo anfavè ekip li nan 3 dènye match yo depi lèl vin nan jwè kap kòmanse match yo.

ENPÒTAN: Sou 11 jounalis ki tap vote pou bay tit MVP a, gen 7 ki vote pou Iguodala, gen 4 ki vote Lebron, pa gen youn ki vote Curry!

Commentaires

Paul Junior PRUDENT
Je suis diplômé en Droit et étudiant en Communication Sociale. Je suis un amoureux fou du sport, passionné de la lecture et de l’écriture. Journaliste et commentateur sportif, j’anime l’émission Sportmania sur Radio Ibo.

Des outils économiques au service de l’environnement

Article Precedent

L’abandon de l’espoir ou le désespoir de l’abandon

Article Suivant

Comments

Comments are closed.

#ReteBranche : Pour ne rien rater, inscrivez-vous à la lettre Ayibopost